Proxectos Non Produtivos – Entidades Públicas
O proxecto consiste na recuperación da sala de reunións de San Cristovo. A edificación está acabada pero non reúne as condicións necesarias para realizar actividades no seu interior, polo que se fai necesario acometer obras de acondicionamento e dotación de instalacións e melloras das existentes que permitan dotar a edificación de seguridade de uso e accesibilidade.
O obxectivo que se persegue é que os veciños e a comunidade de montes da localidade teñan unha sala onde facer as súas xuntanzas, con isto preténdese reforzar os lazos entre eles e contribuír a dinamizar socialmente esta aldea.
Expediente: L21-19.20-09-0144
Promotor: Concello de Monterrei
Concello e Lugar: San Cristovo (Monterrei)
Puntuación: 43
Orzamento aceptado: 15.950,83 €
Porcentaxe axuda: 53 %
Contía axuda: 8.453,94 €
